El Premio
|
Galardonados
|
El Principado de Asturias
|
Fundación Príncipe de Asturias
|
|
||
|
|
Acta del Jurado | |
|
|
Discurso del S.A.R el Príncipe de Asturias | |
|
|
Discurso de agradecimiento | |
|
|
Galería de fotos | |
|
|
Ubicación | |
| Comunidad Vecinal de Nava 1996 | ||
|
Discurso de agradecimiento Intervención de Julián García, alcalde de Nava Señor: Los vecinos y vecines de Nava tamos de enhorabuena. Llegó el día que tantu esperamos. La visita de Vuestra Alteza. Soy nesti momentu un vecín más que quier trasladai la alegría que siente la Comunidá Vecinal de Nava non sólo por ser pueblu Exemplar 1996, sino tamién, y lo más importante, por tenelu equí unes cuantes hores y enseñai a Vuestra Alteza el nuestru pueblu, les nuestres cases, pero sobre too el carácter austeru, noble y solidariu de la xente de Nava y la su Comarca. Señor, la Comunidá Vecinal de Nava tien la brenga del llabrador y del mineru, la paciencia del llagareru que espera abrir la espicha y topase cola meyor sidra y el enfotu puestu nel futuru. Equi, desde que Alfonso X en 1270 otorga la carta puebla a "tolos homes buenos de Nava" la xente trabaya polos sus fiyos y por una vida meyor, anque delles veces la emigración fue diáspora obligada pero non querida e innumerables fiyos de navetos tan repartíos ente Hispanoamérica y la propia Europa. Vaya desde aquí un recuerdu pa tos ellos. Hoy tos luchamos porque esto non vuelva a pasar y paeznos que la fórmula ta en arrimar el costazu y trabayar como lo veníamos faciendo dende siglos apartaos de engarradielles inútiles y discusiones estériles. Como muestra ehí tan eses Asociaciones y Xuntes Vecinales que organicen les sus aficiones y el su esfuerzu en favor de los demás col más puru sentíu de la solidaridad. Quédame facer mención a lo que fue pegollu importante, según valoración del propiu xurau, pa ser pueblu exemplar 1996, la sidra. Non sabemos si el Zytho que menciona Estrabón ye la sidra, pero lo que sí sabemos ye que desde la Edad Media les pumaraes espardinse pol valle de Nava y la Comarca y sabemos tamién que los vecinos y vecines desde cuanta ya venimos teniendo en la sidra un referente obligau pa hablar de la nuestra historia. Lo más significativo de los últimos años ye el esfuerzu en xuntar la iniciativa pública y privada, les inversiones de llagareros, les nueves plantaciones, el Festival de la Sidra, el Museu... En la actualidá el enfotu ta puestu na Fundación de la Sidra que acuegye a Instituciones, Ayuntamientos de la Comarca y al propiu sector. Ella será non sólo llugar d'alcuentru y diálogu, será tamién puntu d'arranque de una industria que abandona el ámbitu familiar y entra en les exigencies de los mercaos del siglo XXI. Por últimu, la Comunidá Vecinal de Nava quier dai les gracies a tolos que nos apoyaron y al Xurau del Premiu quien ante la difícil tarea de escoyer optó por nosotros cola seguranza de que tolos que aspiraben al premiu tenín méritos suficientes pa ser exemplares. Gracies al Gobiernu Asturianu por atender con esmeru los problemes de tos nosotros y por facer del diálogo la meyor tarxeta de visita. A la Fundación Principado de Asturias quien cada añu enseña Asturies al mundu y el mundu a Asturies y permite que Su Alteza se acerque al pueblu y el pueblu a Su Alteza. Señor, somos conscientes de les sus obligaciones, pero como ya-y comentara prestarianos munchu que presidiera la Fundación de la Sidra, y que fuese el nuestru meyor valedor de algo que va más allá de Nava y la su Comarca que ye seña de identidá asturiana, que ye el oru que duerme amorosiegu nos llagares a la espera de ser compartíu. Damos y les gracies por compartir esti día de folixa y gayola con la xente que lu quier, deseamos que lleve un buen recuerdu y que nel su coral haya un requexu pa tola xente buena de Nava y la su Comarca que s'esfuerza cada día por facer un mundu meyor. Muches gracies. |
||
|
|||||||||||||||||||||||
